Թուրքիայում գրանցվել է 6.1 մագնիտուդ հզորությամբ երկրաշարժ
Թուրքիայի արևմտյան հատվածում՝ Բալըքեսիրի նահանգում, արձանագրվել է ուժգին երկրաշարժ։
Ըստ Թուրքիայի արտակարգ իրավիճակների ծառայության (AFAD) և մի շարք սեյսմոլոգիական կենտրոնների տվյալների՝ երկրաշարժի էպիկենտրոնը գտնվել է Սընդըրղը քաղաքի շրջանում, իսկ դրա ուժգնությունը կազմել է 6.1 մագնիտուդ։
Երկրաշարժի ուժգին ցնցումները զգացվել են ոչ միայն Բալըքեսիրում, այլև Ստամբուլում և հարակից շրջաններում։ Այս պահին թուրքական իշխանությունները շարունակում են հստակեցնել տեղեկությունները հնարավոր տուժածների և զոհերի վերաբերյալ։
Փրկարար ծառայությունները և բժշկական խմբերը բերված են բարձր պատրաստվածության ռեժիմի։
