Ալեքսանդր Կոչուբաևի կինը ծայրահեղ ծանր վիճակում է․ դատախազությունից արձագանք չկա

Փաստաբան Ալեքսանդր Կոչուբաևի կինը գտնվում է ծայրահեղ ծանր վիճակում։ Ինչպես հայտնում է նրա պաշտպան Էրիկ Ալեքսանյանը, կինն այժմ վերակենդանացման բաժանմունքում է և արհեստական շնչառության պայմաններում, սակայն ՀՀ գլխավոր դատախազությունից դեռևս արձագանք չի ստացվել։

Ալեքսանյանը հիշեցրել է, որ այսօր ավելի վաղ բաց նամակով դիմել էր ՀՀ գլխավոր դատախազին՝ խնդրելով վերացնել Կոչուբաևի նկատմամբ կիրառված խափանման միջոցը։

«Հաշվի առնելով, որ քրեական վարույթը դեռևս չի փոխանցվել դատարան, խնդրում եմ օգտվել բացառիկ լիազորությունից և փոխել խափանման միջոցը, քանի որ կնոջ առողջական վիճակը երեխայի ծնվելուց հետո կտրուկ վատթարացել է»,- գրել էր պաշտպանը։