Ալեքսանդր Կոչուբաևի կինը ծանր վիճակում է․ պաշտպանն դիմել է գլխավոր դատախազին

Փաստաբան Էրիկ Ալեքսանյանը բաց նամակով դիմել է Հայաստանի Հանրապետության գլխավոր դատախազ Աննա Վարդապետյանին՝ խնդրելով վերացնել Ալեքսանդր Կոչուբաևի նկատմամբ կիրառված կալանքի միջոցը։

Ալեքսանյանը նշել է, որ Կոչուբաևի վերաբերյալ քրեական գործը դեռևս չի փոխանցվել դատարան, և խնդրել է դատախազին օգտվել իր բացառիկ լիազորությունից՝ փոխելով խափանման միջոցը։

Նամակում փաստաբանը ընդգծել է, որ Կոչուբաևի կնոջ առողջական վիճակը կտրուկ վատթարացել է երեխայի ծնվելուց հետո։ Նա հավելել է, որ բժշկական տեղեկանքն անհրաժեշտության դեպքում կարող է անմիջապես ներկայացվել դատախազությանը, սակայն տվյալները չեն հրապարակվում՝ բժշկական գաղտնիք լինելու պատճառով։