Սաուդյան Արաբիան Եմենի ընտրված նախագահին դրդել է հրաժարական տալ. The Wall Street Journal
Այս ամսվա սկզբին Սաուդյան Արաբիան դրդել է Եմենի ընտրված նախագահ Աբեդրաբո Մանսուր Հադիին հրաժարական տալ։ Այս մասին գրում է The Wall Street Journal-ը՝ նշելով, որ պաշտոնյաները երկրի ղեկավարին փակել են իր տանը և սահմանափակել շփումները:
Աբեդրաբո Մանսուր Հադին ապրիլի 7-ին հայտարարել է իր հրաժարականի մասին, իսկ լիազորությունները փոխանցել է նոր կառավարող խորհրդին այն ժամանակ, երբ Եմենը մտավ փխրուն հրադադարի մեջ, ինչը հանգեցրեց տարիների հակամարտության հազվադեպ դադարի:
Վկայակոչելով Սաուդյան Արաբիայի և Եմենի անանուն պաշտոնյաներին՝ պարբերականը հայտնում է, որ Էր-Ռիադի թագաժառանգ Մուհամմեդ բեն Սալմանը գրավոր հրամանագիր է արձակել Հադիին՝ վերջինիս լիազորությունները Եմենի տարբեր խմբերի ութ ներկայացուցիչներից կազմված խորհրդին փոխանցելելու մասին:
«Իր պաշտոնը լքելուց հետո Հադին փակվել է Էր-Ռիադում գտնվող իր տանը և զրկվել է հեռախոսների հասանելիությունից», լրատվամիջոցին ասել է Սաուդյան Արաբիայի պաշտոնյան:
