Թագուհի Ղազարյանը՝ Տեր Արամին կարգալույծ անելու մասին
ՀՀ ԱԺ ՔՊ խմբակցության պատգամավոր Թագուհի Ղազարյանը Factor-ի հետ խոսել է բարձրաստիճան աշխարհիկ և հոգևոր իշխանությունների միջև շարունակվող լարվածության մասին։
Պատգամավորը չի ընդունում, որ այս հարցում կա ՔՊ-ի մեղավորությունը․ «Մեղավորը Կաթողիկոսն է, քաղաքական ելույթ է ունեցել, հասցրել քաղաքական հարվածներ, ստանում է պատասխան հարվածներ։ Լարվածությունը մեծանում է, կշարունակվի այնքան՝ քանի դեռ ինչ-որ մեկը չհաղթի։
Եկեղեցու վերնախավը սրեց՝ «դավաճան, «կապիտուլյանտ հեռացիր», և այդպիսով՝ անցան անդառնալիության կետը։ Հույս ունեմ՝ Գարեգին 2-ը կառաջադրվի 2026-ի ԱԺ ընտրություններում։ Տեր Արամին զոհել են, որ վարչապետի այցի պահին օծյալ քահանա չլինի Հովհաննավանքում, անիմաստ զոհ են տվել։ Տեր Արամին կարգալույծ անելով՝ աշխատանքային իրավունքի խախտում է տեղի ունեցել, պետք է ծանուցեին 2 ամիս առաջ»,- ասել է Թագուհի Ղազարյանը։
