Կփորձենք քաղաքը կառավարել, մինչև քաղաքապետն ազատվի. Գյումրիի համայնքապետի տեղակալ

Կփորձենք քաղաքը կառավարել, մինչև քաղաքապետն ազատվի, ՀՀ հակակոռուպցիոն կոմիտեի մոտ լրագրողների հետ զրույցում ասաց Գյումրիի համայնքապետի տեղակալ Գագիկ Մանուկյանը։

«Կատարվածը միանշանակ համարում ենք քաղաքական հետապնդում և Վարդան Ղուկասյանի ազնվությանը չենք կասկածում»,- ասել է նա։

«Էդ ձայնագրությունը չեմ լսել։ Բայց չեմ հավատում պարոն Ղուկասյանից կաշառքի մասին խոսակցություն անգամ, որովհետև պարոն Ղուկասյանը բոլոր խորհրդակցությունների ժամանակին ապարատին ասում է՝ չփորձեք։ Պարոն Ղուկասյանը հո՞ 2 տարեկան երեխա չէ։ Չկա նման բան»,- հավելել է Մանուկյանը։

Հիշեցնենք՝ Վարդան Ղուկասյանը իրեն վերագրվող մեղադրանքը չի ընդունում: