Ենթադրյալ հանցագործները փրփուրներից են կախվել. Պալյանը անդրադարձել է Գյումրիի ձերբակալություններին

ԱԺ «Քաղաքացիական պայմանագիր» խմբակցության պատգամավոր Էմմա Պալյանը Ֆեյսբուքում գրառում է կատարել՝ անդրադառնալով Գյումրու համայնքապետարանում տեղի ունեցող իրադարձություններին և ձերբակալություններին, նաև հրապարակված ձայնագրությանը:

Ըստ նրա՝ Գյումրու մանկապարտեզներից զանգել են ծնողներին և ասել՝ եկեք երեխաներին տուն տարեք, որպեսզի աշխատակազմը իջնի հրապարակ` ի աջակցություն կաշառակերության մեջ մեղադրվող Վարդանիկի։

«Նաև երթուղայինի վարորդներին են պարտադրել դուրս գալ աշխատանքից և իջնել հրապարակ, ու այս պահին Գյումրու կանգառներում մարդկային կուտակումներ են, երթուղայիններ չկան:

Ենթադրյալ հանցագործները փրփուրներից են կախվել»,- գրել է Պալյանը: