Նոր օրենք՝ Ռուսաստանում․ կներդրվի 12-ամյա դպրոցական ծրագիր

Դպրոցական կրթության տևողությունը պետք է ներկայիս 11-ից հասցվի 12-ի, իսկ դպրոցական ուսումը պետք է սկսվի վեց տարեկանից։ Այս մասին «ՏԱՍՍ»-ին տված հարցազրույցում հայտարարել է Ռուսաստանի Հանրային պալատի փոխքարտուղար Վլադիսլավ Գրիբը։

«Անհրաժեշտություն է հասունացել դպրոցներում ներդնել 12-ամյա կրթություն, ինչպես գրեթե բոլոր զարգացած երկրներում։ Եվ երեխաները պետք է դպրոց ուղարկվեն վեց տարեկանից», - հայտարարել է նա։

Նրա խոսքով՝ կրթության այս մոտեցումը պայմանավորված է ժամանակի իրողություններով։ Նա նշել է, որ դա անհրաժեշտ է դարձել, քանի որ դպրոցական ծրագիրը դառնում է ավելի բարդ, և երեխաները ստիպված են ավելի ու ավելի շատ տեղեկատվություն սովորել։

Ավելի վաղ հաղորդվել էր, որ Ռուսաստանի կրթության և գիտության նախարարությունը քննարկում է արհեստական ​​բանականության (ԱԲ) տեխնոլոգիաների բարձրագույն կրթության համակարգում և գիտական ​​ոլորտում ներդրման հնարավորությունը։

Ավելի վաղ հայտարարվել էր, որ ռուսական դպրոցների համար կմշակվեն դասագրքերի միասնական չափորոշիչներ։