Պատրաստ ենք ողջունել Բաքվի և Երևանի ցանկացած քայլ, որը կարող է հանգեցնել լարվածության թուլացմանը.Պեսկով
Կրեմլը համարում է Մոսկվայի, Բաքվի և Երևանի պայմանավորվածությունները Ղարաբաղի վերաբերյալ իրական և անվիճելի, դրանք պետք է իրականացվեն, լրագրողների հետ զրույցում ասել է ՌԴ նախագահի մամուլի քարտուղար Դմիտրի Պեսկովը։
«Մենք պատրաստ ենք ողջունել կողմերի ցանկացած քայլ, որը կարող է հանգեցնել լարվածության թուլացմանը և կնպաստի ռուս-ադրբեջանա-հայկական եռակողմ պայմանավորվածությունների իրականացման հետագա առաջընթացին», - ասել է Պեսկովը։
Ըստ նրա` այս եռակողմ համաձայնագրերն այժմ կարգավորման միակ իրական, իրատեսական հիմքն են, ուստի իրենց առաջընթացը բոլոր դրույթների իրականացման ուղղությամբ համարում են անվիճելի և անհրաժեշտ բոլորի համար:
