Զելենսկին դատարկաձեռն լքեց Սպիտակ տունը
ԱՄՆ նախագահ Դոնալդ Թրամփի հետ բանակցություններից հետո Ուկրաինայի նախագահ Վլադիմիր Զելենսկին դատարկաձեռն լքեց Սպիտակ տունը։ Այս մասին հայտնում է «Ֆայնեշլ թայմս»-ը։
Ըստ պարբերականի՝ նրան չի հաջողվել պայմանավորվել գլխավորի շուրջ՝ ԱՄՆ նախագահից ստանալ բաղձալի «Tomahawks»-ները։
Ուկրաինայի նախագահը բանակցություններից հետո լրագրողներին ասել է, որ «Tomahawks»-ի թեման «օրակարգից հանված չէ» և հաստատել Է Թրամփին ուղղված իր առաջարկը՝ հրթիռները փոխանակել Ուկրաինայից մատակարարված անօդաչու թռչող սարքերի հետ:
️Հավելենք՝ ԱՄՆ-ում քննադատական արձագանք են առաջացրել Թրամփի խոսքերն այն մասին, որ «մենք շատ «Tomahawks»- ներ ունենք, բայց դրանք մեզ պետք են»։ Այս կապակցությամբ ԱՄՆ նախագահին կոնգրեսականները հիշեցրել են, որ 2024 թվականին Ճապոնիայի հետ համաձայնագիր Է ստորագրվել «ծագող արևի երկրին» 400 «Tomahawks» մատակարարելու մասին, իսկ մեկ տարի առաջ ԱՄՆ իշխանություններն Ավստրալիայի հետ պայմանավորվել էին 220 «Tomahawks» վաճառելու մասին։
