Նրանք ուզում են մեզ հաղթել մարտի դաշտում, թող փորձեն. Պուտին
ՌԴ նախագահ Վլադիմիր Պուտինը երկրի Պետդումայի խմբակցությունների ղեկավարների հետ հանդիպմանն ասել է, որ փետրվարի 24-ից հետո իշխանության բոլոր ճյուղերից պահանջվել է գործել վճռական, համաձայնեցված և արագ:
Ըստ երկրի ղեկավարի՝ Դուման աշխատել է հենց այդպես։
Նա նշել է, որ անբարյացակամ երկրների գործողությունները հաջողվել է նվազագույնի հասցնել. պատժամիջոցները դժվարություններ են ստեղծում, բայց ոչ այնքան, որքան ակնկալում էր Արևմուտքը:
«Նրանք ուզում են մեզ հաղթել մարտի դաշտում, թող փորձեն»,- ասել է Պուտինը՝ նաև նշելով, որ «Ռուսաստանը դեռ ոչ մի լուրջ բան չի սկսել Ուկրաինայում»:
Ըստ նրա՝ Ռուսաստանը չի հրաժարվում ուկրաինական հարցի շուրջ խաղաղ բանակցություններից, բայց որքան ուշ սկսվեն, այնքան ավելի դժվար կընթանան դրանք:
