Խաչիկ Մանուկյանի՝ Վաղարշապատի ղեկավար լինելու շանսերը բարձր են․ Հակոբյան

Ի՞նչ է նշանակում «Գյումրի-2» չի լինելու․ անդրադառնալով շրջանառվող թեմային՝ հարց բարձրացրեց «Հայրենիք» կուսակցության գործադիր մարմնի անդամ Սոս Հակոբյանը։

«Գյումրիում համայնքի բնակչությունն իր ձայնը տվեց ում որ տվեց, ձևավորվեց նոր իշխանություն։ Եթե ասում են՝ ««Գյումրի-2» թույլ չենք տալու»․ փորձելու են կանխե՞լ ժողովրդավարական ընտրությամբ նոր իշանության ձևավորումը։ Դա հակաիրավական հայտարարությունը է, որը խստորեն պետք է դատապարտել», - ասել է Հակոբյանը՝ նշելով, որ «Հայրենիք» կուսակցությունը մշտապես հանդես է եկել այն դիրքերից, որ պետք է անեն իրենցից կախվածը՝ ՔՊ-ին իշխանազրկելու համար։

Վաղարշապատի իրենց ընտրություններում Խաչիկ Մանուկյանի հաղթելու շանսերը Սոս Հակոբյանը բարձր է գնահատում․

«Վաղարշապատի ցանկացած բնակիչ կուզի որպես իր ղեկավար տեսնել հենց այնպիսի մարդու, ինչպիսին Խաչիկ Մանուկյանն է։ Նրա՝ համայնքի ղեկավար լինելու շանսերը բարձր եմ գնահատում»,- հավելել է նա։