«Բրյուսելն իրեն մեկուսացրել է». Օրբանը՝ Հունգարիայի առաջիկա գործողությունների մասին
Ռուսաստանի և ԱՄՆ նախագահներ Վլադիմիր Պուտինի և Դոնալդ Թրամփի միջև Բուդապեշտում կայանալիք հանդիպումը ավելի մեծ հնարավորություն կտա Ուկրաինայում խաղաղության հասնելու համար։ Այս մասին հայտնել է Հունգարիայի վարչապետ Վիկտոր Օրբանը, փոխանցում է «ՏԱՍՍ»-ը։
«Այսօր Հունգարիան այն երկիրն է Եվրոպայում, որտեղ լուրջ շանսեր կան, որ ռուս-ամերիկյան բանակցություններն ի վերջո կհանգեցնեն խաղաղության»,-հայտնել է Օրբանը։
Նա նշել է, որ «Բրյուսելն իրեն մեկուսացրել է» խաղաղ գործընթացից, սակայն Հունգարիան պատրաստ է շարունակել խաղաղարար ջանքերը:
«Մենք տարիներ շարունակ հետեւողականորեն եւ համառորեն պաշտպանել ենք խաղաղության գործընթացը։ Համագործակցություն առճակատման փոխարեն, փոխադարձ հարգանք՝ խարանի փոխարեն: Դա խաղաղության ճանապարհն է»,- հայտարարել Է Օրբանը։
