Մենք չպետք է մոռանանք, որ ցանկացած իշխանություն ծառայում է ժողովրդին․ Կարապետյան

Մենք չպետք է մոռանանք, որ ցանկացած իշխանություն ծառայում է ժողովրդին, ոչ հակառակը, և պետք է կատարի ժողովրդի կամքը։ Այս մասին հայտարարել է Սամվել Կարապետյանի որդին՝ Սարգիս Կարապետյանը։

«Վաղը մենք ունենալու ենք հնարավորություն՝ այդ կամքը ցույց տալու, որ իրենք հասկանան, որ եթե այս ռեպրեսիաները շարունակվի, ապա իրենց երկու ստամոքսը չի հերիքի այս ամենը մարսելու համար»,-նշել է նա։

Ավելի վաղ Սամվել Կարապետյանի աղջիկը՝ Տաթև Կարապետյանը ասել էր․ «Մենք բոլորս կանգնած ենք և շարունակելու ենք կանգնել եկեղեցու կողքին: «Երբ երկրում մարդկանց ձերբակալում են ոչ թե արարքների, այլ խոսքերի համար, դա այլևս առանձին վերցրած մարդու խնդիրը չէ, խնդիրն այլ է՝ ինչպիսի՞ն է լինելու Հայաստանը»: