ՄԱԿ-ը հայտնել է` որքան կարժենա Գազայի վերականգնումը
ՄԱԿ-ը գնահատել է Գազայի վերականգնման արժեքը 70 միլիարդ դոլար։ Այս մասին հայտնում են լրատվամիջոցները:
«ՄԱԿ-ի, Եվրամիության և Համաշխարհային բանկի կողմից համատեղ անցկացված վնասի և կարիքների արագ գնահատման համաձայն՝ Գազայի վերականգնման համար կպահանջվի մոտավորապես 70 միլիարդ դոլար», - ասել է ՄԱԿ-ի զարգացման ծրագրի (ՄԱԶԾ) Պաղեստինի ժողովրդին օգնության ադմինիստրատորի հատուկ ներկայացուցիչ Ժակո Սիլիերսը։
Սիլիերսը հրաժարվել է գնահատել պաղեստինյան անկլավում վերականգնման աշխատանքների ավարտման ժամկետները և նաև խոստովանել է, որ «բոլոր տարածքները չեն վերականգնվի»։
