Գերիների հարցով հուսանք շուտով լավ նորություններ կունենանք. Միրզոյան

Երեկ Եգիպտոսում Ադրբեջանի գործընկերների հետ քննարկել ենք գերիների հարցը: Հուսանք՝ շուտով լավ նորություններ կունենանք: Այս մասին հայտնել է ՀՀ ԱԳ նախարարա Արարատ Միրզոյանը:

Հիշեցնենք` Արարատ Միրզոյանը, որը վարչապետի գլխավորած պատվիրակության կազմում գտնվում է Եգիպտոսում, Շարմ Էլ Շեյխում մասնակցում է Մերձավոր Արևելքի «Խաղաղության գագաթնաժողովին»։

ԱԳՆ-ից հայտնել են, որ գագաթնաժողովի շրջանակներում նախարարը շփումներ է ունեցել մի շարք գործընկերների հետ։ Նրանց թվում են Սաուդյան Արաբիայի, Ադրբեջանի, Իսպանիայի, Օմանի, Ֆրանսիայի, Հորդանանի, Եգիպտոսի, Թուրքիայի, Նորվեգիայի և Հնդկաստանի արտաքին գործերի նախարարներն ու այլ պաշտոնյաներ։