ՀԱՄԱՍ-ն ու Իսրայելը գերիների ցուցակներ կփոխանակեն
Պաղեստինյան ՀԱՄԱՍ շարժումը հայտարարել է, որ Եգիպտոսի Շարմ էլ Շեյխ քաղաքում Իսրայելի հետ անուղղակի բանակցությունների շրջանակում միմյանց են փոխանցվել փոխանակման ենթակա անձանց ցուցակները։
Այս մասին այսօր հայտարարել է շարժման ներկայացուցիչ Թահեր ան Նունուն։
«Այսօր տեղի է ունեցել այն գերիների ցուցակների փոխանակում, որոնց պահանջվում է ազատ արձակել համաձայնեցված մեխանիզմներին և թվաքանակին համապատասխան», - ասվում է հայտարարության մեջ։
Նշենք նաև, որ բանակցություններն ընթանում են հոկտեմբերի 6-ից։
