ՀԱՄԱՍ շարժումը պատրաստ է ազատ արձակել բոլոր իսրայելցի պատանդներին

Գազայի հատվածը կառավարող պաղեստինյան ՀԱՄԱՍ շարժումը պատրաստ է ազատ արձակել բոլոր իսրայելցի պատանդներին և սկսել բանակցություններ հակամարտության համապարփակ կարգավորման շուրջ, գրում է էմիրաթական The National թերթը։

Թերթի աղբյուրների համաձայն, ներկայումս քննարկվում է Գազայի հատվածի վերաբերյալ համապարփակ համաձայնագրի նախագիծը։ Քննարկումներին մասնակցում են, մի կողմից, Միացյալ Նահանգները և Իսրայելը, մյուս կողմից՝ Եգիպտոսի և Կատարի միջնորդները, իսկ շփումները տեղի են ունենում ինչպես հեռակա, այնպես էլ Դոհայում և Կահիրեում։

«Համասը բաց է Գազայի վերաբերյալ համապարփակ համաձայնագրի շուրջ բանակցությունների համար, որը կավարտի պատերազմը պաղեստինյան անկլավում և կազատի իր կողմից պահվող բոլոր պատանդներին», - ասվում է հաղորդագրության մեջ։

Քննարկումների բովանդակությունը դեռևս չի հրապարակվել, բայց, ըստ աղբյուրների, նրանք ցանկանում են ավարտել քննարկումները առաջարկվող 60-օրյա զինադադարի ընթացքում։

Հիշեցնենք՝ Մի քանի օր առաջ Համասը հայտարարել էր, որ պատրաստ է վերսկսել զինված հակամարտության դադարեցման բանակցությունները Իսրայելի հետ, եթե Գազայում սովը դադարեցվի։ Շարժումը հայտարարել է, որ չի մտադրվում զենքը վայր դնել, քանի դեռ շարունակվում է իսրայելական օկուպացիան։