Թիկնիզյանի վիզայի հետ կապված խնդիրներ կան. ՀՖՖ-ն վստահեցրել՝ ամեն ինչ կլուծվի

Հայաստանի ազգային հավաքականի և սերբական «Ցրվենա Զվեզդայի» պաշտպան Նաիր Թիկնիզյանը ԱԱ-2026-ի եվրոպական գոտու որակավորման փուլի Իռլանդիայի դեմ արտագնա խաղից առաջ դեռևս որոշակի խնդիրներ ունի մուտքի վիզայի հետ կապված։ Այս մասին հայտնել է ֆուտբոլիստի գործակալը՝ Ալեքսանդր Կլյուևը:


«Դեռևս կան վիզայի հետ կապված որոշ խնդիրներ։ Նաիրը մեկնել է ազգային հավաքականի ճամբար։ Հայաստանի ֆուտբոլի ֆեդերացիան նրան վստահեցրել է, որ խնդիրը կլուծվի»,- ասել է Կլյուևը sport-express-ի հետ զրույցում։


Ավելի վաղ նշվում էր, որ Նաիրին մերժել են Իռլանդիա մուտքի վիզա տրամադրել փաստաթղթերի հետ կապված խնդիրների պատճառով։


ԱԱ-2026-ի եվրոպական գոտու որակավորման փուլի 4-րդ տուրի Իռլանդիայի դեմ հանդիպումը կկայանա հոկտեմբերի 14-ին Դուբլինում, Երևանի ժամանակով 22։45-ին:

Քաղաքականություն

Պատահարներ