Հայտնի է Սպերցյանի՝ «Բորուսիա» տեղափոխվելու հավանականությունը
Նախկինում հայտնի ռուս ֆուտբոլիստ, այժմ մարզիչ Սերգեյ Կիրյակովը, ով մինչեւ վերջերս գլխավորում էր Սանկտ Պետերբուրգի «Լենինգրադեցը», խոսել է «Կրասնոդարից» Էդուարդ Սպերցյանի հնարավոր տեղափոխության մասին Դորտմունդի «Բորուսիա»:
«Անկեղծ ասած, դժվարությամբ եմ հավատում Սպերցյանի տեղափոխությանը «Բորուսիա», քանի որ մեր առաջնության և Բունդեսլիգայի մակարդակն անհամեմատելի է։ Ռուսաստանի Պրեմիեր լիգայի մակարդակով Սպերցյանն, իհարկե, առանձնանում է, այստեղ հարցեր չկան։ Բացի այդ, այժմ գրեթե ցանկացած երիտասարդ ֆուտբոլիստ ցանկանում է իրեն փորձել եվրոպական որևէ առաջնությունում»,-Կիրյակովի խոսքը մեջբերում է Legalbet-ը։
Կիրյակովը, ով պրոֆեսիոնալ կարիերայի ընթացքում Գերմանիայում հանդես է եկել «Կարլսրուեում», նշել է, որ Բունդեսլիգան շատ բարդ առաջնություն է։ Նա կարծում է, որ ռուս ֆուտբոլիստների համար դժվար կլինի եվրոպական ակումբներում ինտենսիվության մակարդակի պատճառով, ընդ որում՝ ոչ միայն խաղերում, այլև մարզումների ժամանակ:
Սպերցյանային Կիրյակովը համարում է Ռուսաստանի Պրեմիեր լիգայի ամենահեռանկարային խաղացողներից մեկը՝ մեծ ֆուտբոլիստ դառնալու համար ավանդներով, բայց տեղափոխվելիս նա ստիպված կլինի հարմարվել նոր երկրին, պատրաստվել, ինչին պետք է սկսել հիմա:
