Ռուսաստանում դեռահասներ են ձերբակալվել ահաբեկչական գործողությունների համար
Ռուսաստանի չորս շրջաններում վեց դեռահաս է ձերբակալվել ահաբեկչական գործողությունների կոչերի և նախապատրաստման համար: Այս մասին հայտնել է ՌԴ ՔԿ-ն:
Հարուցվել են քրեական գործեր: Գերատեսչությունում հայտարարել են, որ երեխաները հայտնվել են «դրսից բացասական ազդեցության» տակ սոցցանցերում և մեսենջերներում։
Ռուսաստանի Քննչական կոմիտեի տվյալներով՝ Բաշկորտոստանի 14-ամյա բնակչուհին քարոզել է ահաբեկչական կազմակերպության գործունեությունը, Օրենբուրգի մարզում 15-ամյա դեռահասը միացել է ահաբեկչական շարժմանը և հայտնել է մտադրություն՝ դրամական պարգևի դիմաց հրկիզման միջոցով վնասել և ոչնչացնել գույքը:
Դեռահասների մեծ մասի նկատմամբ խափանման միջոց է ընտրվել՝ կապված հասարակությունից մեկուսացման հետ։
