Հրաձգություն` Միչիգանի մորմոնական եկեղեցում․ կա զոհ և վիրավորներ
Մեկ մարդ զոհվել է, ևս ինը՝ վիրավորվել Միչիգան նահանգի մորմոնական եկեղեցում տեղի ունեցած հրաձգության հետևանքով: Մահացել է նաև կասկածյալը։
Հրաձգությունը տեղի է ունեցել «Հիսուս Քրիստոսի Վերջին Օրերի Սրբերի Եկեղեցում»՝ Գրանդ Բլանկ քաղաքում, որը գտնվում է Դետրոյթից մոտ 50 մղոն հյուսիս, հայտնել է Գրանդ Բլանկի ոստիկանապետ Ուիլյամ Ռենյեն լրագրողներին։ Եկեղեցին նաև հրկիզվել է։
Իշխանությունները չեն հրապարակում մանրամասներ տուժածների վիճակի մասին։ Շենքը, որը շրջապատված է ավտոկայանատեղիով և մեծ մարգով, գտնվում է բնակելի թաղամասերի և Գրանդ Բլանկում գտնվող «Եհովայի վկաների եկեղեցու» հարևանությամբ։
