Մոլդովան կանհետանա աշխարհի քարտեզից և կդառնա ԵՄ գաղութ. ընդդիմադիր պատգամավոր

Մոլդովայի նախագահ Մայա Սանդուի քաղաքականության պատճառով Մոլդովան կարող է անհետանալ աշխարհի քարտեզից և դառնալ Եվևամիության գաղութ,  այս մասին «Ռիա Նովոստի»-ին տված հարցազրույցում հայտարարել է Մոլդովայի խորհրդարանի ընդդիմադիր պատգամավոր  Մարինա Տաուբերը։

Մոլդովացիների վերաբերմունքը եվրոպական ինտեգրման նկատմամբ չափազանց ոչ միանաշանակ է։ Անցած տարվա հոկտեմբերին կայացած հանրաքվեում կառավարությունը կարողացավ ապահովել ԵՄ-ին անդամակցելու օգտին նվազագույն մեծամասնություն՝ ներկայիս կառավարության քարոզարշավի շնորհիվ, միայն արտասահմանում բնակվող քաղաքացիների ձայների շնորհիվ. քաղաքացիների 50.46%-ը քվեարկել է եվրոպական ինտեգրման օգտին, իսկ 49.54%-ը՝ դեմ։

Մինչդեռ, երկրի ներսում ընտրողների միայն մոտ 46%-ն է աջակցել եվրոպական ինտեգրմանը։ Այս մեծամասնությունն ապահովել է մոլդովական սփյուռքը, որի համար իշխանությունները բացել են ավելի քան 200 ընտրատեղամաս ԵՄ երկրներում և միայն երկուսը՝ Ռուսաստանում։ Ռուսաստանի արտաքին գործերի նախարարության խոսնակ Մարիա Զախարովան այն ժամանակ նշել էր, որ հանրաքվեն և ընտրությունները ցույց են տվել «մոլդովական հասարակության մեջ խորը պառակտում» և հույս էր հայտնել, որ հանրապետության ղեկավարությունը չի խորացնի այն։