Հարկերի հետաձգում և տուրքի վերացում. փոփոխություններ են սպասվում սահմանային անցակետերում

Կառավարությունը հավանություն է տվել օրենսդրական փաթեթի, որով նախատեսվում է զգալիորեն նվազեցնել Հայաստանի ցամաքային սահմանային անցակետերում առաջացող կուտակումները։ 

Հիմնական առաջարկվող փոփոխություններն են՝

- Օտարերկրյա մեքենաների վարորդները ճանապարհային և բնապահպանական հարկերը սահմանը հատելիս անմիջապես չեն վճարի. դրա համար կտրվի մինչև 15 օր ժամանակ։

- Կվերացվի սահմանին տարանցման հայտարարագրի համար գանձվող պետական տուրքը։

- Ճանապարհի անանցանելիության պատճառով 15 օրից ավելի ՀՀ-ում մնացած բեռնատարները կազատվեն այդ օրերի համար ճանապարհային հարկից։

Հավելենք՝ փոփոխությունները դեռ պետք է հաստատի Ազգային ժողովը։