Որքան է տևել հայ-ադրբեջանական հակամարտությունը. Թրամփը` Ալիևին
Ադրբեջանի առաջին փոխնախագահ Մեհրիբան Ալիևան իր Ինստագրամի էջում տեսանյութ է հրապարակել Նյու Յորքից, որտեղ այս պահին ընթանում է ՄԱԿ-ի Գլխավոր ասամբլեայի 80-րդ նստաշրջանը։
Հրապարակված տեսանյութում ԱՄՆ նախագահ Դոնալդ Թրամփը, ելույթ ունենալով հայ-ադրբեջանական հարաբերություններին նվիրված նստաշրջանի ընթացքում կայացած միջոցառմանը, հարցրել է նախագահ Իլհամ Ալիևին, թե որքան ժամանակ է տևել երկու երկրների միջև հակամարտությունը՝ ենթադրելով, որ այն տևել է մոտ 20 տարի։
Ադրբեջանի ղեկավարը պատասխանել է, որ այն տևել է ավելի քան 30 տարի և շնորհակալություն է հայտնել Թրամփին հակամարտության կարգավորման գործում ցուցաբերած օգնության համար՝ ընդգծելով, որ այն լուծվել է հենց ԱՄՆ նախագահի ջանքերի շնորհիվ։ Այս երկխոսությունը ողջունվել է միջոցառմանը ներկա բոլորի որոտացող ծափահարություններով։
