Մարտերը դադարեցնելու միակ միջոցը Պաղեստինի ճանաչումն է. Մակրոն
Ֆրանսիայի կառավարությունը կարծում է, որ պաղեստինա-իսրայելական հակամարտության խաղաղ կարգավորման միակ ուղին Պաղեստին պետության ճանաչումն է։ Այս մասին CBS News-ին տված հարցազրույցում հայտարարել է Ֆրանսիայի նախագահ Էմանուել Մակրոնը։
«Եվ այդ պատճառով, եթե մենք ուզում ենք դադարեցնել այս պատերազմը, եթե մենք ուզում ենք մեկուսացնել արմատական պաղեստինյան շարժումը, Պաղեստինի ճանաչման գործընթացը և այդ գործընթացին ուղեկցող խաղաղության ծրագիրը դրա նախապայմանն են», – ասել է նա։
Մակրոնը նշել է, որ չի արդարացնում ՀԱՄԱՍ-ի գործողությունները, սակայն ընդգծել է, որ ներկայիս պայմաններում պաղեստինցիները զուրկ են որևէ կենսունակ քաղաքական այլընտրանքից։
«Ես չեմ արդարացնում ՀԱՄԱՍ-ի սպասումները, քանի որ նրանք պարզապես մոլուցքով են տարված Իսրայելի ոչնչացմամբ, բայց ես ճանաչում եմ այն հսկայական թվով պաղեստինցիների օրինականությունը, ովքեր ցանկանում են պետություն, ովքեր ժողովուրդ են։ Նրանք ուզում են ազգ ունենալ, նրանք ուզում են պետություն ունենալ, և մենք չպետք է նրանց մղենք դեպի ՀԱՄԱՍ-ը», – ասել է Ֆրանսիայի նախագահը։
