«Ուժեղ Հայաստանի» անդամը պնդում է՝ իրեն հեռացրել են աշխատանքից քաղաքական հայացքների պատճառով

«Ուժեղ Հայաստան» դաշինքի անդամ Հայաստան Հակոբյանը հայտարարել է, որ իրեն ազատել են զբաղեցրած պաշտոնից՝ քաղաքական հայացքների պատճառով։

Նա նշել է, որ երկար տարիներ աշխատել է Արմավիրի տարածաշրջանային պետական քոլեջում՝ որպես կազմակերպադաստիարակչական աշխատանքների կազմակերպիչ և հայոց լեզվի ու գրականության դասախոս։

Հակոբյանի խոսքով՝ աշխատանքից ազատումը պայմանավորված է իր քաղաքական գործունեությամբ և անվստահությամբ։

Նա ընդգծել է, որ շուրջ 31 տարի նվիրված է եղել իր աշխատանքին և արժանացել է տարբեր շնորհակալագրերի՝ ինչպես նախարարության, այնպես էլ տնօրինության կողմից։

Հակոբյանը նաև նշել է, որ «Ուժեղ Հայաստան» դաշինքում ներգրավված լինելը համարում է իր համար պատիվ և շնորհակալություն է հայտնել ուսանողներին, ծնողներին և գործընկերներին աջակցության համար։