12:00 Լուրերը մեկ տողով. ՍԴ-ում շարունակվող դատական նիստը. Ողբերգական ավտովթարի մանրամասները

Անցած ժամվա լուրերը՝ հակիրճ և բովանդակային.

•Սահմանադրական դատարանում արդեն չորրորդ օրն է՝ շարունակվում է ընտրությունների արդյունքները վիճարկող 7 քաղաքական ուժերի միացված դիմումների քննությունը:

•«Ուժեղ Հայաստան» դաշինքի ներկայացուցիչ Արամ Վարդևանյանը կասկածի տակ է դրել ԿԸՀ նախագահի անկախությունը և հայտարարել ընտրական գործընթացում կեղծարարության նշանների մասին:

•ԿԸՀ նախագահ Վահագն Հովակիմյանը վստահեցրել է, որ ընտրությունների ընթացքում եղած խնդիրները չեն ազդել քվեարկության վերջնարդյունքների վրա:

•Պատգամավոր Արթուր Խաչատրյանը կոչ է արել Իսրայելի կողմից Հայոց ցեղասպանության հնարավոր ճանաչումը դիտարկել քաղաքական համընկնող շահերի տեսանկյունից:

•Տիգրան Ավինյանը հանձնարարել է խիստ հսկել Արցախի փողոցի 4-րդ կարգի վթարային շենքերի ազատված բնակարանները՝ նոր բնակիչների մուտքը կանխելու և շենքերը քանդելու համար:

•Սուրենավանի մոտ 4 քաղաքացու մահվան պատճառ դարձած ավտոմեքենայի ողբերգական հրդեհի դեպքով Քննչական կոմիտեում քրեական վարույթ է նախաձեռնվել:

•Գյումրու քաղաքապետի մամուլի խոսնակ Հասմիկ Վիրաբյանը ձերբակալված չէ։ Նա նշել է՝ գործով որևէ կարգավիճակ չունի: