Ժաննա Անդրեասյանը Թբիլիսիում կմասնակցի Հայկական մշակույթի օրերին

Վարչապետ Նիկոլ Փաշինյանի որոշմամբ՝ ԿԳՄՍ նախարար Ժաննա Անդրեասյանը հուլիսի 25-26-ը կգործուղվի Վրաստան։

Համապատասխան որոշման համաձայն՝ նախարարը Թբիլիսիում կմասնակցի Հայկական մշակույթի օրերի պաշտոնական մեկնարկի շրջանակում նախատեսված Հայաստանի ազգային ֆիլհարմոնիկ նվագախմբի համերգին, ինչպես նաև երկկողմ պաշտոնական հանդիպումների։

Որոշմամբ նախատեսվում է, որ գործուղման ծախսերը կհոգան Հայաստանի Հանրապետության 2026 թվականի պետական բյուջեով ԿԳՄՍ նախարարությանը հատկացված միջոցների հաշվին։