Աննա Նաղդալյանը՝ Ղազախստանից մեր դեսպանին հետ կանչելու մասին
ՀՀ նախագահ Արմեն Սարգսյանի ստորագրած հրամանագրով` Գագիկ Ղալաչյանը հետ է կանչվել Ղազախստանում եւ Ղրղզստանում ՀՀ դեսպանի պաշտոնից: ԱԳՆ մամուլի խոսնակ Աննա Նաղդալյանն ArmDaily.am-ի հետ զրույցում նշեց, որ դա պետք է դիտարկել ԱԳՆ համակարգում գործող բնականոն ռոտացիոն գործընթացի համատեքստում:
Հարցին՝որն է պատճառը նրա հետկանչման, արդյոք նրան փոխարինելու են, Նաղդալյանը նշեց. «Դեսպանների նշանակումն ու հետ կանչումը լինում է նախարարի հրամանագրով ու քանի դեռ չկա հրաման, մենք այդ հարցով որևէ մեկնաբանություն չենք անում»։
Հիշեցնենք, որ Ղալաչյանը դեսպան էր նշանակվել 2018 թվականի նոյեմբերի 12-ին՝ փոխարինելով Արա Սահակյանին։
