Դավիթ Բաբայանը միջնորդել է հարցաքննել Արարատ Միրզոյանին և Մինսկի խմբի համանախագահներին
Բաքվի ռազմական դատարանում շարունակվում է Արցախի նախկին ղեկավարության և հայ ռազմագերիներ դեմ շինծու դատավարությունը. փոխանցում են ադրբեջանական լրատվամիջոցները:
Տեղական ԶԼՄ-ների փոխանցմամբ՝ ՊԲ հրամանատարի նախկին տեղակալ Դավիթ Մանուկյանը դատարանին միջնորդել է որպես վկա կանչել ՀՀ վարչապետ Նիկոլ Փաշինյանին կամ ներգրավել նրան դատավարության մեջ տեսակապի միջոցով:
Միջնորդություն է ներկայացրել նաև Արցախի արտաքին գործերի նախկին նախարար Դավիթ Բաբայանը, ով առաջարկել է հարցաքննել ԵԱՀԿ Մինսկի խմբի համանախագահներին, մասնավորապես՝ դեսպան Անջեյ Կասպշիկին և ՀՀ արտաքին գործերի նախարար Արարատ Միրզոյանին։
Բաբայանի խոսքով՝ ինքը և Մանուկյանը ծանոթ են այդ անձանց հետ և անմիջական կապի մեջ են եղել նրանց հետ, ինչը նրանց դարձնում է գործի կարևոր վկաներ։
