ՀԷՑ վարկանիշի անկումը նորմալ է խնդիրների բացահայտման փուլում. Գևորգ Պապոյան
Կառավարության կողմից ՀԷՑ-ի ղեկավարումը ստանձնելուց հետո միջազգային հեղինակավոր «Մուդիս» վարկանիշային կազմակերպությունը նվազեցրել է ռազմավարական նշանակություն ունեցող ընկերության վարկանիշը` հետագա գործունեության կանխատեսումը կայունից դարձնելով բացասական։
«ՀԷՑ-ում պատշաճ մակարդակով գործողություններն իրականացնելուց հետո վերջնարդյունքում ՀԷՑ-ը շատ ավելի գրավիչ և բարձր հեղինակություն ունեցող կազմակերպություն է լինելու։ Օրինակ՝ հիմա Ռոմանոս Պետրոսյանը հայտարարում է, որ գնումներում խնդիր է եղել, 120 մլն դրամի բացահայտում է եղել և այլն։ Սա նույնպես ազդում է վարկանիշի վրա։
Սա նաև նշանակում է, որ նախկին վարկանիշը և վստահության մեխանիզմի մասին արված հայտարարությունները որոշակիորեն կեղծ են եղել, որովհետև հիմա խնդիրները բացահայտվում են», - ասել է Պապոյանը։
