Թրամփը նվազեցնում է նախկինում հատկացված արտաքին օգնությունը

Սպիտակ տունը հայտնել է, որ ԱՄՆ նախագահ Դոնալդ Թրամփը կնվազեցնի նախկինում հատկացված «արտակարգ բյուջեի ծախսերը» գրեթե 3 միլիարդ դոլարով, որից 2,5 միլիարդ դոլարը նախատեսված էր արտաքին օգնության համար։ Այս մասին տեղեկացնում է Semafor պորտալը:

Թրամփը կնվազեցնի ԱՄՆ նախկին նախագահ Ջո Բայդենի վարչակազմի կողմից ընդունված 2023 թվականի պետական ​​պարտքի ավելացման օրինագծի շրջանակներում հատկացված արտակարգ միջոցների չափը։

Պորտալը գրում է, որ մոտ 2,5 միլիարդ դոլարը, որը Թրամփը նախատեսում է կրճատել, պետք է հատկացվեր արտաքին օգնության համար, ներառյալ աջակցությունը միգրացիայի և փախստականների հարցերով աշխատող ՀԿ-ներին, Մոլդովայի և Վրաստանի տնտեսական զարգացմանը և ներառմանն առնչվող նախագծերին։

Այնուամենայնիվ, միջոցները չեն ազդի դաշնակիցներին, այդ թվում՝ Ուկրաինային տրամադրվող ռազմական օգնության վրա։

Պաշտոնյաներից մեկը պորտալին ասել է, որ օտարերկրյա օգնության ֆինանսավորման մի մասը «մանրակրկիտ ստուգված չէր և լավ մտածված չէր»: