Թրամփը հեռախոսազրույց է ունեցել Սի Ցզինպինի հետ՝ ամերիկյան կողմի խնդրանքով
Չինաստանի նախագահ Սի Ցզինպինը և ԱՄՆ նախագահ Դոնալդ Թրամփը հեռախոսազրույց են ունեցել ամերիկյան կողմի խնդրանքով, հաղորդում է «Սինհուա»-ն: ԱՄՆ-ում Չինաստանի դեսպանատունը նույնպես հրապարակել է զրույցի մասին տեղեկատվություն:
«Ռոյթերս»-ը հայտնել է, որ Թրամփը և Սի Ցզինպինը կքննարկեն TikTok սոցիալական մեդիա հարթակի վերահսկողությունը ամերիկյան կողմին փոխանցելու համաձայնագիրը:
Երկար ժամանակ է, ինչ ԱՄՆ իշխանությունները փորձում են արգելել TikTok-ը, քանի որ հարթակը պատկանում է չինական ընկերության: ԱՄՆ իշխանությունները պնդում են, որ իր մայր ընկերությունը՝ ByteDance-ը, իր ամերիկյան ստորաբաժանումը փոխանցի տեղական սեփականատերերին՝ համարելով, որ TikTok-ի կողմից օգտատերերի տվյալների հավաքագրումը ազգային անվտանգության սպառնալիք է ներկայացնում: Ընկերությունը վստահեցրել է, որ չի փոխանցի այս տվյալները Չինաստանի կառավարությանը, նույնիսկ եթե Պեկինը պահանջի դա: Միևնույն ժամանակ, Չինաստանը համարել է, որ սոցիալական ցանցի արգելափակումը ԱՄՆ-ում նախընտրելի է բիզնեսի հարկադիր վաճառքից։
2025 թվականի հունվարին Թրամփը պահանջեց, որ ByteDance-ը վաճառի TikTok-ի ամերիկյան ակտիվները՝ սպառնալով արգելափակել հավելվածը ԱՄՆ-ում: Ի պատասխան՝ TikTok-ը սահմանափակեց ԱՄՆ օգտատերերի մուտքը:
Հուլիսին Reuters-ը հայտնեց, որ TikTok-ը նախատեսում է թողարկել առանձին հավելված ԱՄՆ լսարանի համար՝ անկախ ալգորիթմով և տվյալների մշակման համակարգով: ByteDance-ը հետագայում հերքեց այս հաղորդագրությունները:
