Որքան է կազմում Հայաստանի պետական պարտքը

Այս տարվա մարտի վերջի դրությամբ Հայաստանի պետական պարտքը կազմել է 3 տրիլիոն 650 մլրդ 741.8 մլն դրամ կամ 7 մլրդ 289.820 մլն դոլար: Ինչպես տեղեկացնում է ՀՀ Վիճակագրական կոմիտեն, այդ թվում՝ արտաքին պարտքը կազմել է 2 տրիլիոն 872 մլրդ 579.4 մլն դրամ կամ 5 մլրդ 735.981 մլն դոլար:

Այդ թվում՝ 5 մլրդ 236.453 մլն դոլար կազմել է կառավարության պարտքը: Այս տարվա հունվարին Հայաստանի արտաքին պարտքը կազմել էր 5 մլրդ 751.541 մլն դոլար, իսկ փետրվարին՝ 5 մլրդ 737.679 մլն դոլար: Դոլարային արտահայտությամբ մարտին փետրվարի համեմատ արտաքին պարտքը նվազել է 1.698 մլն դոլարով: