Պուտինը սուրբ գործ է անվանել Ուկրաինայում պատերազմի մասնակիցների ընտանիքների մասին հոգալը
ՌԴ նախագահ Վլադիմիր Պուտինը հայտարարել է, որ պետության համար սուրբ պարտք է հատուկ ռազմական գործողության գոտում վիրավորված և զոհված զինծառայողների ընտանիքներին աջակցելն ու հոգալը։ Այս մասին հայտնում է ТАСС-ը։
«Պետությունը, իհարկե, կանի ամեն ինչ ձեզ, ձեր ընտանիքներին և մեր զոհված ընկերների ընտանիքներին աջակցելու համար», - ասել է Պուտինը զինվորականներին և նրանց ընտանիքներին աջակցելու մասին։
Ռուսաստանի ղեկավարը նշել է, որ «սա սուրբ գործ է», որը պետք է արվի։
Ավելի վաղ Պուտինն այցելել էր Կենտրոնական զինվորական կլինիկական հոսպիտալ։
