Հարավային Կովկասն ու Հայաստանը շատ կարևոր մաս են այն փոփոխության, որոնք փոխելու են իրավիճակը Եվրոպայում. Կոս

Առաջին անգամ է, որ հնարավոր է դարձել Հարավային Կովկասում խաղաղություն բերել, և դա է իմ այցի նպատակն ու պատճառը: ԵՄ-Հայաստան գործընկերությունը կիսում են համատեղ ջանքերը, և մենք այստեղ ենք, պատրաստ ենք շարունակելու: Այդ մասին ՀՀ փոխվարչապետ Մհեր Գրիգորյանի հետ համատեղ ասուլիսի ժամանակ ասել է Եվրամիության ընդլայնման հարցերով հանձնակատար Մարթա Կոսը:

«Խաղաղության գործընկերությունը շատ կարևոր է, մենք պետք է շարունակենք պահը բաց չթողնել և ներդրումներ իրականացնել տրանսպորտի, կապակցվածության, ինչպես նաև թվայնացման ոլորտում, նաև ժամանակն է խաղաղության գործընթացում ներդրումներ կատարելու:

Երբ խոսում ենք տնտեսական զարգացումներից, տեսական հարաբերությունների մեր համագործակցության մասին, մենք հաճախ մոռանում ենք՝ որքան կարևոր է ապրել խաղաղության պայմաններում: Եվրոպան հիմնված է խաղաղության վրա և խաղաղության գործընկերն է: Հարավային Կովկասն ու Հայաստանը շատ կարևոր մաս են այն փոփոխության, որոնք փոխելու են Եվրոպայում և Հարավային Կովկասում իրավիճակը»,- ասաց նա: