Որն է Կովկասում անվտանգության և խաղաղության ճանապարհը, ըստ Թուրքիայի ՊՆ-ի

Կովկասում անվտանգության և խաղաղության ճանապարհն անցնում է Ադրբեջանի և Հայաստանի միջև խաղաղության պայմանագրի ստորագրմամբ: Այս մասին հայտարարել է Թուրքիայի պաշտպանության նախարար Յաշար Գյուլերը, տեղեկացնում են ադրբեջանական լրատվամիջոցները։

«Կովկասյան տարածաշրջանն այլևս հակամարտությունների կարիք չունի, այլ բարեկամության և համագործակցության», - ասել է նա:

Խոսելով Թուրքիա-Ադրբեջան հարաբերություններից՝ Գյուլերը շեշտել է՝ Թուրքիան կշարունակի զարգացնել ռազմական համագործակցությունը Ադրբեջանի հետ։

Թուրքիայի պաշտպանության նախարարի խոսքով՝ ռազմավարական դաշինքն ամրապնդելու և համագործակցությունը խորացնելու Անկարայի և Բաքվի համատեղ ջանքերը հաջողությամբ շարունակվում են: