Երևանում տեղացած ոչ հորդառատ անձրևը՝ հոսանքազրկումների և մեծ խցանումների պատճառ
Երևանում այսօր երեկոյան տեղացած ոչ հորդառատ անձրևը, դրան հաջորդած հոսանքազրկումը մեծ խցանումների պատճառ էին դարձել:
Ըստ Yandex քարտեզի՝ Երևանում դիտվել էր 10 բալանոց խցանում: Գրեթե բոլոր փողոցներում խիտ խցանումներ էին։
Հոսանքազրկվել էր նաև Երևանի Օպերայի և բալետի շենքը, որի ֆիլհարմոնիկ դահլիճում նվագախումբը հեռախոսների լույսերի ներքո էր փորձում նվագել։
Նշենք, նաև, որ Հայաստանի օպերայի և բալետի ազգային թատրոնի ֆիլհարմոնիկ դահլիճում այսօր նախատեսված էր Երևանյան 17-րդ միջազգային երաժշտական փառատոնի բացման համերգը՝ Հայաստանի ազգային ֆիլհարմոնիկ նվագախմբի 100-ամյա հոբելյանի շրջանակներում։
