Կան մի քանի հազար տներ, որոնք փլուզման եզրին են. մանրամասներ Ջեբլա քաղաքից
Երկրաշարժի ժամանակ փլուզված շենքերի փլատակներում ողջ մնացածների որոնումները շարունակվում են Սիրիայի հյուսիս-արևմուտքում, չնայած այն հանգամանքին, որ նրանց գտնելու հավանականությունը գնալով նվազում է, այդ մասին SANA գործակալությանը հայտնել է Արաբական Հանրապետության քաղաքացիական պաշտպանության ղեկավար, գեներալ-մայոր Սաֆվան Բահլյուլը։
«Լաթաքիայի մերձակայքում գտնվող Ջեբլա քաղաքում, աղետից հինգ օր անց, փրկվել է 11 մարդ, ևս ինը մնացել են փլատակների տակ»,- ասել է նա:
Նախապես հայտնաբերվել է 34 զոհի դի։ Ըստ նրա ՝ գործողությունն իրականացվել է Ռեյհավի թաղամասում փլուզված տան հատվածում։
«Տեղի ունեցած աղետի մասշտաբները հսկայական են,- ասել է Բահլյուլը: Կան մի քանի հազար տներ, որոնք փլուզման եզրին են, մյուսները շտապ վերանորոգման կարիք ունեն»:
Նա նաև նշել է , որ պատերազմից հյուծված Սիրիան օգնության կարիք ունի, նրանց անհրաժեշտ են շինարարական տեխնիկայի պահեստամասեր, որպեսզի կարողանան արագացնել աշխատանքը մարդկանց փրկելու համար, հակառակ դեպքում ժամանակը կկորչի:
