ԱՄՆ-ն կորցրել է վստահությունը. Էր Ռիադը փնտրում է նոր գործընկերներ. WSJ
Էր Ռիադը այլևս պատրաստ չէ անվտանգության հարցում հույսը դնել ԱՄՆ-ի վրա և փնտրում է նոր դաշնակիցներ, գրում է The Wall Street Journal-ը։
Թերթի փոխանցմամբ` Սաուդյան Արաբիայի և Պակիստանի միջև նոր համաձայնագիրը կարող է փոխել տարածաշրջանում ուժերի հավասարակշռությունը: Այն ցույց է տալիս, որ ԱՄՆ-ի վաղեմի մերձավորարևելյան գործընկերը ցանկանում է վերացնել Վաշինգտոնից իր կախվածությունը ազգային անվտանգության հարցերում։
Թերթը նշում է, որ Ռիադի և Իսլամաբադի միջև համաձայնագրի մասին հայտարարվել է Դոհայում պաղեստինյան Համասի շարժման ավագ անդամների վրա Իսրայելի հարձակումից հետո։ Արդյունքում, ԱՄՆ-ի՝ Իսրայելը Մերձավոր Արևելքի կողմից Իրանի զսպման մեջ ինտեգրելու ծրագրերը խափանվել են:
Հավելենք` Պակիստանը և Սաուդյան Արաբիան ստորագրել են ռազմավարական փոխադարձ պաշտպանության համաձայնագիր, որի համաձայն՝ կողմերից որևէ մեկի վրա հարձակումը կհամարվի «ագրեսիա երկուսի դեմ»։ Այն նաև նպատակ ունի զարգացնել երկու երկրների միջև պաշտպանական համագործակցությունը։
