Իսրայելի ցինիկ և սարսափելի գործողությունների արդյունքում կորուստները Գազայում ահռելի կլինեն. Զախարովա
Իսրայելի լայնածավալ հարձակումը Գազայի վրա լուրջ մտահոգության աղբյուր է, որը վկայում է բանակցությունների պատրաստակամության բացակայության մասին: Այս մասին հայտարարել է Ռուսաստանի արտաքին գործերի նախարարության խոսնակ Մարիա Զախարովան, գրում է «ՏԱՍՍ»-ը։
«Այս ամենը խուճապ է առաջացրել տեղի բնակչության շրջանում։ Լուրջ մտահոգություն առաջացնող նման քայլի հետևանքներն ակնհայտ են. այն հանգեցնելու է խաղաղ բնակիչների շրջանում նոր զոհերի և առանց այդ էլ աղետալի հումանիտար իրավիճակի հետագա խորացմանը:
Իսրայելի ցինիկ, ինչպես նաև սարսափելի գործողությունները վկայում են բանակցությունների սեղանի շուրջ վերադառնալու մտադրության բացակայության մասին, իսկ դա կհանգեցնի խաղաղ բնակչության շրջանում ավելի մեծ թվով զոհերի», - հայտարարել Է Մարիա Զախարովան։
