ԱՄՆ-ի առաջարկը՝ ռուսական ակտիվների առգրավման վերաբերյալ
ԱՄՆ-ն մտադիր է G7 երկրներին առաջարկել ստեղծել ռուսական սառեցված ակտիվների բռնագրավման իրավական մեխանիզմ, այս մասին հաղորդում է Bloomberg գործակալությունը։
Գործակալությունը նշում է, որ միջոցները կարող են օգտագործվել Ուկրաինայի պաշտպանական կարիքները ֆինանսավորելու համար: Աղբյուրները հայտնել են, որ աստիճանական բռնագրավման գաղափարը քննարկվել է եվրոպական կողմի հետ: Ռուսական միջոցների մեծ մասը սառեցված է Եվրոպայում՝ բելգիական Euroclear դեպոզիտարիայում:
Գործակալությունը նաև հաղորդում է, որ Վաշինգտոնը G7-ին առաջարկում է 50%-ից մինչև 100% մաքսատուրք սահմանել Չինաստանից և Հնդկաստանից ռուսական էներգակիրներ գնող ապրանքների վրա։
Հավելենք՝ ԱՄՆ նախագահ Դոնալդ Թրամփը հայտարարել է , որ կարող է «շատ ուժեղ հարված հասցնել Ռուսաստանին պատժամիջոցներով»։ Նա ասել է, որ «համբերությունը սպառվում է» նախագահ Վլադիմիր Պուտինի հետ։
