ՄԱԳԱՏԷ-ն՝ Կուրսկում միջուկային անվտանգության մասին
Ատոմային Էներգիայի միջազգային գործակալությունը (ՄԱԳԱՏԷ) այժմ Կուրսկի ԱԷԿ-ի միջուկային անվտանգության վերաբերյալ մտահոգության պատճառ չի տեսնում Կուրսկի շրջանի վրա Ուկրաինայի զինված ուժերի հարձակման ֆոնին:
«ՄԱԳԱՏԷ-ն հետևում է վերջին իրադարձությունների մասին հաղորդագրություններին և հաղորդակցության ուղիներ ունի, որոնք հասանելի են հակամարտության երկու կողմերի համար։ Այս պահին միջուկային և ֆիզիկական անվտանգության վերաբերյալ մտահոգվելու պատճառ չկա», - ՏԱՍՍ-ին հայտնել են կազմակերպության մամուլի ծառայությունից։
Գործակալությունում հավելել են, որ ՄԱԳԱՏԷ-ի ղեկավար Ռաֆայել Գրոսին անթույլատրելի է համարում ցանկացած ԱԷԿ-ի վրա զինված հարձակումները:
Հիշեցնենք՝ ավելի վաղ հայտնել էինք, որ Կուրսկի շրջանում մարտերն ընթանում են Կուրչատովից 30 կիլոմետր հեռավորության վրա, որտեղ ատոմակայանն է։
