Ռուսաստանի հետ պետք է դադարացվի ցանկացած տեսակի առևտուր. ԱՄՆ կոնգրեսական

ԱՄՆ կոնգրեսական Ջո Ուիլսոնը  հայտարարել է, որ ներկայացրել է օրինագիծ, որը կերկարաձգի Ջեքսոն-Վենիկի փոփոխությունը, որը սահմանափակում է երկկողմ առևտուրը Ռուսաստանի հետ կապված:

«Ներկայացրել եմ օրինագիծ՝ վերականգնելու Ջեքսոն-Վենիկի փոփոխությունը, որը դադարեցնում է Ռուսաստանի դեմ ցանկացած առևտուր»,- X-ի իր էջում գրել է քաղաքական գործիչը:

Վիլսոնը հավելել է, որ կարծում է, որ սխալ կլինի չեղարկել փոփոխությունը: Կոնգրեսականը նշել է, որ ինքը առաջարկությունն արել է լեհական իշխանությունների այն պնդումների կապակցությամբ, որ ոչնչացվել են անօդաչու թռչող սարքեր համարվող մի քանի օբյեկտներ:

Հավելենք՝ Ջեքսոն-Վենիկի փոփոխությունը Միացյալ Նահանգներում ընդունվել է 1974 թվականին։ Այն երկկողմ առևտրի կարգավորումը կապում էր Խորհրդային Միությունից հրեական արտագաղթի խնդրի հետ։ ԽՍՀՄ փլուզումից հետո փոփոխությունը շարունակեց կիրառվել մի շարք հետխորհրդային հանրապետությունների նկատմամբ։ Ռուսաստանի նկատմամբ այն ուժի մեջ մնաց մինչև 2012 թվականը։

Այնուհետև այն չեղյալ է հայտարարվել, սակայն Միացյալ Նահանգներն ընդունել է այսպես կոչված «Մագնիտսկու օրենքը»՝ օրենք, որը նախատեսում էր պատժամիջոցների կիրառում ռուս պաշտոնյաների նկատմամբ, որոնց ամերիկյան կողմը վերագրում է մարդու իրավունքների խախտումներ։