Արա Նռանյանն ընտրվել է Հանրային ծառայությունները կարգավորող հանձնաժողովի անդամ

Ազգային ժողովը Հանրային ծառայությունները կարգավորող հանձնաժողովի անդամի պաշտոնում ընտրել է Արա Նռանյանին: 

Հավելենք՝ Նռանյանը ընտրվել է փակ գաղտնի քվեարկությամբ:

ԱԺ հաշվիչ հանձնախմբի նախագահ Նարեկ Բաբայանը տեղեկացրեց, որ ԱԺ 107 պատգամավորից քվեարկությանը մասնակցել է 89-ը: Արա Նռանյանի թեկնածությանը կողմ է քվեարկել 88, դեմ` 1 պատգամավոր:

Նռանյանի թեկնածությունն առաջադրել էին ընդդիմադիր «Հայաստան» և «Պատիվ ունեմ» խմբակցությունները: