Փաշինյանը հետ չի կանգնել հոգևոր մեծ հավաք կազմակերպելու մտքից․ Ալեքսանյան

Փաշինյանը հետ չի կանգնել Էջմիածնում հոգևոր մեծ հավաք կազմակերպելու մտքից, այս մասին խորհրդարանում լրագրողների հետ զրույցում ասաց ՔՊ-ական պատգամավոր Վահագն Ալեքսանյանը։

«Փաշինյանը հետ չի կանգնել, դա տեղի է ունենալու։ Այս պահի դրությամբ դեռ օրը որոշված չէ, բայց դրա մասին, միանշանակ, կհայտարարենք ու դա տեղի կունենա։ Դա շատ կարևոր մի հավաք է լինելու»,-ասաց Ալեքսանյանը։

Հիշեցնենք՝ վարչապետ Նիկոլ Փաշինյանը գրառում էր արել՝ կոչ անելով պատրաստ լինելու Էջմիածնի կենտրոնական հրապարակում հոգևոր մեծ հանդիպման։

«Ապրեք աղոթքով, պահեցողությամբ, ծոմապահությամբ եւ պատրաստվեք Մեծ հոգեւոր հանդիպման Էջմիածնի կենտրոնական հրապարակում»,- գրառման մեջ նշել էր Փաշինյանը։