Կարծում եմ՝ տարածաշրջանում պատերազմ չի լինի․ Իրանի ՊՆ
Իրանական «Թասնիմ» լրատվական գործակալության կառավարական թղթակցի հաղորդմամբ՝ այդ երկրի Զինված ուժերի պաշտպանության և աջակցության նախարար Ամիր Մոհամմադռեզա Աշտիանին կառավարական պատվիրակության հանդիպման շրջանակում և լրագրողների հետ զրույցում կովկասյան տարածաշրջանում տեղի ունեցող վերջին զարգացումների մասին ասել է. «Կարծում եմ, որ տարածաշրջանում պատերազմ չի լինի, և Իսլամական Հանրապետության դիրքորոշումը լիովին պարզ է, և վերջին հանդիպումներում, որոնք տեղի են ունեցել զինված ուժերի շտաբներում, մեր դիրքորոշումը հստակ հայտարարվել է»։
Նա հավելել է. «Մենք չենք ընդունում սահմանների որևէ փոփոխություն, և այն գործընթացը, որը մենք քննում ենք, այն է, որ առանձնահատուկ բան տեղի չի ունենա»։
Հիշեցնեք, որ վերջին շրջանում Ադրբեջանից շարունակում են սադրիչ հայտարարություններ հնչել, այդ երկիրը զրահատեխնիկա է տեղափոխում դեպի Հայաստանի և Արցախի հետ սահմաններ։
