Ռուսաստանի ԱԳՆ-ն հայտարարություն է արել

Ռուսաստանը պատրաստ է վճարել միայն այն քաղաքական արտադրանքի համար, որն իրեն ձեռնտու է: Այս մասին «Ռիա Նովոստի» -ին ասել է ՌԴ ԱԳՆ Եվրոպական խնդիրների դեպարտամենտի տնօրեն Վլադիսլավ Մասլեննիկովը՝ պատասխանելով այն հարցին, թե արդյոք Ռուսաստանը ներդրում կկատարի Եվրոպայում անվտանգության և համագործակցության կազմակերպության 2026 թվականի բյուջեում։

«Ինչ վերաբերում է ԵԱՀԿ գծով ներդրումներին, ապա կարելի է պարզապես ասել, որ մենք պատրաստ ենք գնել միայն այն քաղաքական արտադրանքը, որը մեզ ձեռնտու է։ Մենք բազմիցս նշել ենք, որ այսօր կազմակերպության գործունեությունը լիովին կաթվածահար է եղել՝ արևմտյանների անհագ ցանկության պատճառով։ 2026 թվականի համախմբված բյուջեի նախագիծը կներկայացվի հոկտեմբերին։ Տեսնենք՝ կկարողանա՞նք համաձայնության գալ դրա շուրջ», - ասել է գործակալության աղբյուրը։

Նա հավելել է, որ կազմակերպությունն ապագայի շանսեր ունի, եթե իհարկե հարմարվի փոփոխված աշխարհաքաղաքական իրողություններին: