Սա Ռուսաստանի հարձակումն է Թրամփի վրա. Զելենսկին Կիևի հրետակոծության մասին
Ուկրաինայի նախագահ Վլադիմիր Զելենսկին ասել է, որ Ռուսաստանի նպատակները չեն փոխվել, և նրանք ցանկանում են կռվել։
«Սա հարված է Ուկրաինային։ Սա հարված է Եվրոպային։ Սա նաև հարված է Ռուսաստանից նախագահ Թրամփին, այլ գլոբալ խաղացողներին։ Վաշինգտոնում մենք լսեցինք, որ Պուտինը, իբր, պատրաստ է դադարեցնել պատերազմը՝ հանդիպել առաջնորդների մակարդակով և լուծել հիմնական հարցերը։ Սակայն նա ընտրում է բալիստիկան՝ խաղաղության ուղղությամբ իրական քայլերի փոխարեն։ Խնդիրն այն է, որ նա չի վախենում հարվածել այն առաջնորդներին, որոնց ինչ-որ բան է խոստանում», - ասել է նա։
Զելենսկին ընդգծել է, որ «աշխարհի կողմից այս չարիքին անհրաժեշտ է հստակ արձագանք»։
«Չկան ժամկետներ, որոնք Պուտինը չէր խախտի։ Չկան դիվանագիտական հնարավորություններ, որոնք չէին փչանա Ռուսաստանի պատճառով։ Անհրաժեշտ են ուժեղ քայլեր։ Շնորհակալություն բոլոր նրանց, ովքեր հասկանում են սա։ Անհրաժեշտ են պատժամիջոցներ։ Անհրաժեշտ են սակագներ նրանց համար, ովքեր հովանավորում են այս պատերազմը», - ընդգծել է նա։
